TEMBANG MACAPAT

 

TEMBANG MACAPAT

 

1.        Tegese Tembang Macapat

Tembang macapat yaiku puisi Jawa gagrag lawas kang dilagokake lan kaiket dening paugeran (kaidah/aturan) tartamu. Tembung macapat ana kang negesi maca papat-papat (membaca empat - empat), yaiku macane saben patang wanda. Ana uga  kang negesi anggone nembangake nalika panembrama diwaca dening juru swara papat.

 

2.        Jinise Tembang Macapat

Jinise tembang ing bebrayan Jawa kaperang dai 4 (papat), yaiku :

a.    Tembang gedhe (sekar ageng/tembang kawi)

b.    Tembang tengahan (sekar madya)

c.    Tembang cilik (sekar alit/macapat)

d.    Tembang dolanan

Saka jinise tembang ing dhuwur kang lumrahe diwulangake ing pawiyatan SD nganti SMA, yaiku tembang cilik utawa tembang macapat sarta tembang dolanan. Nanging, ing wulangan iki kita mung nyinaoni ngenani tembang macapat wae. Jinise tembang macapat ana 11 (sewelas), yaiku:

1)      Maskumambang

2)      Mijil,

3)      Sinom,

4)      Kinanthi,

5)      Asmaradana,

6)      Gambuh,

7)      Dhadhanggula,

8)      Durma,

9)      Pangkur,

10)  Megatruh, lan

11)  Pocung.

 

3.        Paugerane Tembang Macapat

Ing piwulangan sadurunge wis diandharake manawa tembang macapat kaiket dening paugeran (kaidah/aturan) tartamtu. Paugeran tembang macapat kaperang dadi 3 (telu),yaiku :

a.       Guru gatra                 : cacahe gatra (baris) saben sapada (sebait)

b.      Guru wilangan          : cacahe wanda (suku kata) saben sagatra (baris)

c.       Guru lagu                  : tibaning swara (vokal) ing saben pungkasane gatra

 

Kanggo nggampangake anggone mbedakake antarane guru gatra, guru wilanagan, lan guru lagune, gatekna tabel iki.

Jinise Tembang	Guru Gatra	Guru Wilangan lan Guru lagu
		1	2	3	4	5	6	7	8	9	10
Maskumambang	4	12i	6a	8i	8a
Mijil	6	10i	6o	10e	10i	6i	6a
Sinom	9	8a	8i	8a	8i	7i	8u	7a	8i	12a
Kinanthi	6	8u	8i	8a	8i	8a	8i
Asmarandana	7	8i	8a	8e	8a	7a	8u	8a
Gambuh	5	7u	10u	12i	8u	8o
Dhandhanggula	10	10i	10a	8e	7u	9i	7a	6u	8a	12i	7a
Durma	7	12a	7i	6a	7a	8i	5a	7i
Pangkur	7	8a	11i	8u	7a	12u	8a	8i
Megatruh	5	12u	8i	8u	8i	8o
Pocung	4	12u	6a	8i	12a

 

Gladhen 1

Wangsulana kang patitis!

1.    Tembang macapat iku uga diarani tembang apa?

2.    Apa tegese tembang macapat iku?Terangna kanthi ringkes!

3.    Tembang macapat iku cacahe ana pira?Coba tulisna!

4.    Paugerane tembang macapat iku ana 3 (telu), coba tulisna!

5.    Coba terangna tegese :

a.       Guru gatra

b.      Guru wilangan

c.       Guru lagu

 

Gladhen 2

Gatekna tembang macapat kanthi tema “Nyawiji ing Sajroning Prabeda” ing ngisor iki!Sawise iku wangsulana pitakon-pitakon ing ngisore!

Adi endah Nuswantara

tlatah kang gemah ripah loh jinawi

kabeh padha sayuk rukun

bikut padha makarya

mbangun nigari budaya adi luhung

amrih rukun lan santosa

amrih makmur lan nyawiji

Sumber : Kumpulan Tembang Macapat,

dening : Asmara Kinendra, Widya Pustaka, 2016

 

1.    Pira cacahing gatra tembang macapat ing dhuwur?

2.    Tulisen guru wilangan lan guru lagune tembang macapat ing nduwur!

3.    Sawise mangerteni guru gatra, guru wilangan, lan guru lagune, temtokna jinise tembang macapat ing nduwur kalebu tembang apa?